स्थानीयको अवरोधले नै लामबगर सडक खण्ड निर्माणमा ढिलासुस्ती ।

4688
तारकेश्वर नगरपालिका वडा नं ८ स्थित लामबगर सडक खण्डमा मापदण्ड निर्धारणको लागि सडक नाप्ने कार्यमा नगरपालिकाका योजना प्रमुख कञ्चन भटट, तारकेश्वर का जनप्रतिनिधी नारायण श्रेष्ठ, मोहन खत्रीका साथमा स्थानीय गोपी सापकोटा

तारकेश्वर नगरपालिकाको लामबगर सडक खण्ड चर्चाको विषय बन्दै आएको छ । यो सडक खण्डको विभिन्न अवस्थाका तस्वीरहरु सामाजिक सञ्जालमा पोष्ट हुने र सो पोष्टमा अनेक थरिका प्रतिक्रियाहरु आउँने गरेका छन् । हालको कच्ची सडकमा पानी पर्दा हिलो हुने र घाम लाग्दा धुलो उड्ने भएकोले सडक छेउका चिया पसल, चोकका होटलहरुमा यो सडक र तारकेश्वरको स्थानीय सरकारका प्रतिनिधीलाई जोडेर विभिन्न बहस र विश्लेषण हुदैँ आएको छ ।

करीव ५३ करोडको वजेड सडक विभागले विनियोजन गरेता पनि टेण्डर आव्हान गर्दा एक करोड २९ लाखमा ठेकेदार कम्पनी सी.एस कन्ट्रक्शन कम्पनी, बानेश्वरले सम्झौता गरेको छ । दगुर्नेपानी देखि तारकेश्वर–२, काभे्रस्थलीको पिपलबाट सम्म निर्माण हुने भनिएको यो सडक खण्ड जरंखु देखि काभे्रस्थलीको पिपलबाुट सम्म पर्खाल निर्माणको कार्य लगभग सम्पन्न भईसकेको छ ।

शेषमती देखि जरंखु सम्म पर्खाल निर्माणका लागि सडकको मापदण्ड निर्धारणको लागि तारकेश्वर–८ का जनप्रतिनिधीहरुको रोहबरमा २ पटक सम्म मापदण्ड निर्धारणको कार्य भईसकेको छ ।

सडकको मापदण्ड निधारण गर्न खोज्दा सडक छेउका घरधनीहरुले २०२२ सालको नापीको कुरा उठाउँदै विवाद ल्याउँने गरेको जनप्रतिनिधी र प्राविधिकहरुको गुनासो रहेको छ ।

यो सडकखण्डका अधिकाशं घरहरु हालसावी समेत नभएकाले पनि विवाद हुन पुगेको छ । तारकेश्वर–८ कावडा सदस्य नारायण श्रेष्ठका अनुसार सडक छेउका घरधनीहरुले दायाँबायाँ कतै नकाटी बाटो फराकिलो पार भन्ने गरेको गुनासो व्यक्त गरे । लामबगर सडक खण्ड तीव्र गतिमा स्तर उन्नती हुनुप¥र्यो पनि भन्ने निर्माण गर्न खोज्दा मापदण्ड अनुसार दायाँबायाँ छोड्न नमान्ने स्थानीयबासीहरुको हलो अड्काएर गोरु चुट्ने प्रवृतिले गर्दा यो सडक खण्ड निर्माणमा ढिला हुदै आएको नगरपालिकाको गुनासो रहेको छ ।